ယနေ့ခေတ်မှာ အဆင်ပြေလွယ်ကူမှုကို အကြောင်းပြုပြီး တစ်ခါသုံး ပလတ်စတစ်အိတ်၊ တစ်ခါသုံး ဘရိတ်ဓား၊ တစ်ခါသုံးဇွန်း၊ တစ်ခါသုံးရေခွက် စသဖြင့် အရာအားလုံးက တစ်ခါသုံးတွေ ဖြစ်လာကြပါတယ်။ ဒီလိုပဲ ဆိုက်ဘာကမ္ဘာကြီး ထဲအထိ တစ်ခါသုံး email address, တစ်ခါသုံး website လိပ်စာစသည်ဖြင့် ကူးစက်ပျံ့နှံ့လာရာမှာ ဒီတစ်ပတ်မှာ မိတ်ဆက် ပေးချင်တာကတော့ တစ်ခါသုံး Web Page တွေ ရယူနိုင်မဲ့ Website တစ်ခုအကြောင်းပဲ ဖြစ်ပါတယ်။ continue reading…

ကိုယ့် Email အကောင့်ထဲကို ကိုယ်မသိတဲ့လိပ်စာတွေနဲ့ ကြော်ငြာတွေ၊ စိတ်အနှောက်အယှက်ဖြစ်စရာတွေ၊ သတင်းမှားပေးပို့ချက်တွေနဲ့ ဝင်လာတတ်တဲ့ Mail မျိုးကို Spam Mail လို့ခေါ်ပါတယ်။ တစ်နည်းအားဖြင့် အွန်လိုင်းပေါ်က အမှိုက်တွေပါပဲ။ Google, Yahoo, Live စတဲ့နာမည်ကျော် Email ဝန်ဆောင်မှုတွေမှာ Spam Mail တွေကို တတ်နိုင်သမျှ စစ်ထုတ်ကာကွယ်ပေးတဲ့ လုပ်ဆောင်ချက်တွေ ထည့်သွင်းထားကြပေမဲ့ Spam Mail တွေက နည်းလမ်းပေါင်းစုံနဲ့ ဝင်လာ တတ်ပါသေးတယ် ဒါကြောင့် Email အသုံးပြုသူတွေအတွက် ကိုယ့်ဆီရောက်လာတဲ့ Spam Mail တွေကို အမြင်ဆန်းဆန်း Desktop Wallper အဖြစ်ပြောင်းလဲပစ်နိုင်မဲ့ Website လေးတစ်တစ်ခုကို ဒီတစ်ပတ်မှာ မိတ်ဆက်ပေးချင်ပါတယ်။ continue reading…

ဘဝဆိုတာ ကံစမ်းမဲတစ်ခုလိုပါပဲ။ ကိုယ်ဘယ်နေရာမှာ မွေးဖွားရှင်သန်လာရမယ်ဆိုတာ ဘယ်သူမှ ကြိုတင်ရွေး ချယ်နိုင်ခြင်း မရှိပါဘူး။ တကယ်လို့ ကိုယ်ဟာ အခြားနိုင်ငံတစ်ခုမှာသာ မွေးဖွားရှင်သန်ခဲ့မယ်ဆိုရင် ဘယ်လိုမျိုး အခြေအနေ တွေနဲ့ ရှင်သန်ကြုံတွေရမှာပါလဲ။ ဒီမေးခွန်းရဲ့အဖြေအတွက် စိတ်ဝင်စားစရာ Website လေးတစ်ခုကို ညွှန်းပေးချင်ပါ တယ်။

continue reading…

စာရိုက်ခြင်းဟာ မရှိမဖြစ်တဲ့ အခြေခံ ကွန်ပြူတာ စွမ်းရည်တစ်မျိုးဖြစ်ပြီး စာရိုက်မြန်ခြင်းဟာလည်း အသုံးဝင် အလုပ်တွင် ကျယ်စေနိုင်တာမို့ အချိန်ရရင် ရသလို လေ့လာထားသင့်ပါတယ်။ အခုတစ်ပတ်မှာ ဂိမ်းတစ်ခုသဖွယ် ဆော့ကစားရင်း ကိုယ်ရဲ့ စာရိုက်အမြန်နှုန်းကို မြှင့်တင်ပေးမဲ့ စိတ်ဝင်စားစရာ Typing Game Website လေးတစ်ခုကို မိတ်ဆက်ပေး ချင်ပါတယ်။

Typeracer ဟာ ကိုယ့်စာရိုက်အမြန်နှုန်း အပေါ်မူတည်ပြီး ကားမောင်းပြိုင်ပွဲ ဝင်ရောက်ယှဉ်ပြိုင်ရတဲ့ Typing Game Website တစ်ခု ဖြစ်ပါတယ်။ ရိုက်ရမဲ့ စာသားတွေအဖြစ် စာအုပ်တွေ၊ ရုပ်ရှင် တွေနဲ့ သီချင်းတွေက စာသားတွေကို ကောက်နုတ်ပေးထားပြီး ကမ္ဘာတစ်လွှားက အခြားကစားသမားတွေနဲ့အပြိုင် ပေးထားတဲ့စာသားတွေကို မြန်နိုင်သမျှ မြန်အောင်ရိုက်ရင်း ကိုယ် ကိုယ်စားပြုထားတဲ့ ကားကို သတ်မှတ်ချိန်အတွင်း ပန်းဝင်နိုင်အောင် အချိန်နဲ့ တစ်ပြေးညီ ယှဉ်ပြိုင်ရမှာ ဖြစ်ပါတယ်။ ဒါ့အပြင် Typeracer မှာ တစ်ယောက်တည်း စာရိုက်လေ့ကျင်ချင်လည်း ရသလို ကိုယ့်မိတ်ဆွေ သူငယ်ချင်းတွေကို ဖိတ်ခေါ်ပြီး Chatting လုပ်ရင်း သီးသန့်ပြိုင်ပွဲလေးတွေ ယှဉ်ပြိုင်နိုင်ပါသေးတယ်။

စိတ်ပါဝင်စားသူ Typing Crazy တွေအတွက် မှတ်ပုံမတင်ဘဲနဲ့လည်း ဝင်ရောက် စမ်းသပ်ဆော့ကစားနိုင်တဲ့ Typeracer ရဲ့လိပ်စာက http://play.typeracer.com ဖြစ်ပါတယ်။

Yangonese!

Window Operating System ရဲ့ File Search ဟာ ဖိုင်အနည်းငယ်အတွင်းမှာ လိုအပ်တဲ့ ရှာဖွေမှုပြုလုပ်တဲ့အခါ အဆင်ပြေပေမဲ့ ဖိုင်ပမာဏ အများကြီးထဲက ကိုယ်လိုချင်တဲ့ ဖိုင်တစ်ခုကို ဖြန့်ကျက်ရှာဖွေတဲ့အခါမှာတော့ အလွန်ကို နှေးကွေးလေးလံ လှပါတယ်။ ဒါကြောင့် ဖိုင်ပမာဏ များများအပေါ်မှာ ရှာဖွေမှု ပြုလုပ်မဲ့သူတွေ အတွက် လိုအပ်တဲ့ File, Folder တွေကို စူပါအမြန်နှုန်းနဲ့ ရှာဖွေပေးနိုင်မဲ့ Desktop Search Program တစ်ခုကို ဖော်ပြပေးချင်ပါတယ်။

Everything ဟာ အခမဲ့ရယူနိုင်ပြီး ပေါ့ပါးမြန်ဆန်တဲ့ Desktop Search program တစ်ခု ဖြစ်ပါတယ်။ Everything လို့ဆိုထားတဲ့အတိုင်း NTFS Filesystem ကို အသုံးပြုတဲ့ မည်သည့် hard drives ပေါ်မှာ မဆို Window File Search ထက် သိသိသာသာ လျင်မြန်တဲ့နှုန်းနဲ့ ရှိသမျှ File တွေ Folder တွေအားလုံးအပေါ်မှာ ဖြန့်ကျက် ရှာဖွေပေးနိုင်ပါတယ်။

Everything ဟာ စွမ်းဆောင်ရည် မြင့်မားသလောက် အရွယ်အစား သေးငယ်ပေါ့ပါးပြီး  Installer version သာမက Portable version အနေနဲ့ပါ http://www.voidtools.com မှာ ဆွဲချ ရယူနိုင်ပါတယ်။

Yangonese!

ကိုယ်ကြိုက်နှစ်သက်တဲ့ Website တွေကို မိတ်ဆွေသူငယ်ချင်းတွေဆီ ညွှန်းချင်တဲ့အခါ Email တို့ Gtalk တို့ကတဆင့် သက်ဆိုင်ရာ Website လိပ်စာ Link လေးတွေ လှမ်းပို့လိုက်တာ အလွယ်ကူဆုံးနည်းတစ်ခုပါ။ ဒါပေမဲ့လည်း လက်ခံရရှိသူအဖို့မှာတော့ လိပ်စာတွေ များရင်များသလို Browser Tab တွေ တစ်ခုပြီးတစ်ခု ဖွင့်ရပြီး အလုပ်များသွားမှာပါပဲ။ ဒါကြောင့် ဝဘ်ဆိုဒ်လိပ်စာ Link တွေအများကြီးကို Slideshow တစ်ခုအသွင်ပြောင်းပြီး URL လိပ်စာတစ်ခုတည်းနဲ့ ဝေမျှပေးပို့နိုင်ဖို့ ဝန်ဆောင်မှုပေးနေတဲ့ Website တစ်ခုကို ပြောပြချင်ပါတယ်။

BridgeURL ဟာ Web လိပ်စာတွေအများကြီးကို စုပေါင်းကာ Slideshow တစ်ခုအသွင်ပြောင်းပြီး အလွယ်တကူ ဝေမျှနိုင်မဲ့ Web URL လိပ်စာတစ်ခု ပြန်ထုတ်ပေးတဲ့ အွန်လိုင်းဝန်ဆောင်မှု Website တစ်ခုဖြစ်ပါတယ်။ BridgeURL ဟာ Tab စနစ်အသုံးပြုလို့မရတဲ့ Mobile Phone တွေက Browser တွေအတွက် အလွန်သင့်လျော်သလို စိတ်ဝင်စားစရာ Website လေးတွေကို အမြင်ဆန်းဆန်းနဲ့ ဝေမျှချင်သူတို့အဖို့ အကြိုက်တွေ့ကြမှာပါပဲ။

ဒါ့အပြင် BridgeURL ကို မှတ်ပုံတင်စရာမလိုဘဲ အသုံးပြုနိုင်ပြီး စိတ်ပါဝင်စားသူတွေအတွက် BridgeURL ရဲ့ လိပ်စာက http://www.bridgeurl.com ဖြစ်ပါတယ်။

Yangonese!

နာမည်ကျော် Google ကို အသုံးပြုပြီး ရှာဖွေတဲ့အခါ ပြန်ရလာတဲ့ ရှာဖွေမှုရလဒ်တွေကို Tab တစ်ခုချင်းဆီနဲ့ ဖွင့်လှစ် ကြည့်ရှုနေရတဲ့ ဒုက္ခက ကင်းဝေးစေဖို့ စိတ်ဝင်စားစရာကောင်းတဲ့ Website တစ်ခုနဲ့ မိတ်ဆက်ပေးချင်ပါတယ်။

Untabbed ဟာ Google ရဲ့နည်းပညာကို ရယူလွှင့်တင်ထားတဲ့ Search Engine Website တစ်ခုဖြစ်ပြီး သူရဲ့ ထူးခြားချက်က သင့်ရှာဖွေမှုရလဒ်တွေကို Tab ပေါင်းစုံနဲ့ ဖွင့်လှစ်နေစရာမလိုဘဲ ရလဒ်တစ်ခုချင်းစီကို စာမျက်နှာ တစ်ခုတည်းမှာတင် Window အသေးလေးတွေ ကိုယ်စီနဲ့ စိတ်တိုင်းကျ ဖွင့်လှစ် ကြည့်ရှုနိုင်တာ ဖြစ်ပါတယ်။

Untabbed မှာ ကိုယ့်ရဲ့ ရှာဖွေမှုရလဒ်တွေကို Tab တစ်ခုချင်းစီနဲ့ဖွင့်နေရတဲ့ ဒုက္ခက ကင်းဝေးပြီး တကယ့် Website အတိုင်း စာသားတွေမှတ်ယူနိုင်၊ Links တွေကို Click နှိပ်နိုင်သလို New Tab အနေနဲ့လည်း ပြောင်းလဲ ကြည့်ရှုနိုင် တာဖြစ်လို့ Google ချစ်သူတွေ အကြိုက်တွေ့ကြမှာပါ။ မကြာသေးမီကမှ တင်ဆက်ထားတဲ့ Google ရဲ့ Instant Preview နဲ့ အားမရနိုင်သူတွေအတွက် Untabbed ရဲ့ လိပ်စာက http://untabbed.com ဖြစ်ပါတယ်။

Yangonese!

ယနေ့ခေတ် နည်းပညာလောကမှာ Software ထုတ်တဲ့သူတွေ၊ Programmar တွေဟာ သမရိုးကျ ရှုပ်ထွေးဆန်းပြားတဲ့ Software တွေအစား၊ မလိုတာ ပိုတာတွေကို အဆီထုတ်ပြီး ရိုးရိုးရှင်းရှင်း လွယ်လွယ်ကူကူနဲ့ လုပ်ငန်းဆောင်တာတွေကို ပြီးမြောက်စေတဲ့ Minimalist ဆိုတဲ့ အယူအဆအပေါ် အများကြီး အာရုံစိုက်လာကြပါတယ်။ ဒါကြောင့် ဒီတစ်ပတ်မှာ ရိုးရိုးရှင်းရှင်း မြန်မြန်ဆန်ဆန်နဲ့ လုပ်ဆောင်ရန်စာရင်းပြုစုဖို့ အသုံးပြုနိုင်မဲ့ minimalist todo manager software တစ်ခုနဲ့ မိတ်ဆက်ပေးချင်ပါတယ်။

Simple Todo ဟာ သင့်လုပ်ငန်းဆောင်တာတွေကို စနစ်တကျ လုပ်ဆောင်နိုင်ဖို့ လုပ်ဆောင်ရန် စာရင်း ပြုစုတဲ့အခါမှာ အသုံးပြုနိုင်ပြီး မလိုအပ်တာတွေ မပါဝင်ဘဲ အဓိကလိုအပ်မဲ့ လုပ်ဆောင်ချက်တွေကိုသာ ထည့်သွင်းထားတဲ့ ရိုရိုးရှင်းရှင်း Todo manager Software  လေးတစ်ခု ဖြစ်ပါတယ်။ Simple Todo ဟာ ဖိုင်အရွယ်အစား သေးငယ်သလို Install ပြုလုပ်စရာမလိုဘဲ အသုံးပြုနိုင်ပါတယ်။ ကိုယ့်ရဲ့ ဦးစားပေး အစီအစဉ်တွေကို အရောင်လေးတွေနဲ့ ထင်ထင်ရှားရှား အမှတ်အသား ပြုထားနိုင်ပါတယ်။ ဒါ့အပြင် Keyboard ကတဆင့်လည်း Shortcut Key တွေနဲ့ အလွယ်တကူ အသုံးပြုနိုင်ပါတယ်။

Simple Todo ဟာ အခမဲ့ရယူနိုင်တဲ့ Software ဖြစ်ပြီး စိတ်ပါဝင်စားလို့ ဆွဲချရယူချင်သူများအတွက် သူ့ရဲ့လိပ်စာက http://www.ufridman.org/simpletodo ဖြစ်ပါတယ်။

Yangonese!

ယနေ့ခေတ်ဟာ အင်တာနက်ခေတ်လို့ဆိုတဲ့အတိုင်း အစစအရာရာ အွန်လိုင်းပေါ်မှာပဲ လုပ်ဆောင်လာကြတာမို့ ယခု တစ်ပတ်မှာလည်း အွန်လိုင်းပေါ်ကနေ လွယ်လွယ်ကူကူ အများဆန္ဒကောက်ယူနိုင်တဲ့ Voting Website လေးတစ်ခုကို မိတ်ဆက်ပေးချင်ပါတယ်။

LetsVoteNow လို့အမည်ရတဲ့ Online Voting Tool လေးဟာ သင့်မိတ်ဆွေသူငယ်ချင်းတွေနဲ့ ဒါမှမဟုတ် ရုံးက လုပ်ဖော်ကိုင်ဖက်တွေနဲ့ ခရီးသွားဖို့၊ နေ့လည်စာမှာစားဖို့၊ လုပ်ငန်းအကြံသစ်အပေါ် အကဲဖြတ်ဖို့ စသည်ဖြင့် အကြောင်းအရာတစ်ခုပေါ်မှာ ရလဒ်ကို အများဆန္ဒနဲ့ ဆုံးဖြတ်ရယူဖို့ လိုအပ်လာတဲ့အခါ လွယ်လွယ်ကူကူ အသုံးပြု နိုင်ပါတယ်။ သင့်အနေနဲ့ ဆန္ဒသဘောထားကောက်ယူချင်တဲ့ အကြောင်းအရာတစ်ခုကို ရိုက်ထည့်ပြီး Yes သို့မဟုတ် No၊ ဒါမှမဟုတ် ဖြေဆိုသူတွေ ရွေးချယ်နိုင်မဲ့ ဖြစ်နိုင်ဖွယ်မေးခွန်းအနည်းငယ်နဲ့  စစ်တမ်းတစ်ခုကို ပြင်ဆင်နိုင်မှာ ဖြစ်ပါတယ်။ ပြီးရင်တော့ စစ်တမ်းကိုစတင်တဲ့ Administrator နဲ့ ဖြေဆိုမဲ့သူတွေရဲ့ Email လိပ်စာတွေကို ဖြည့် ပေးလိုက်ရုံပါပဲ။ ဒါ့အပြင် LetsVoteNow ရဲ့ စစ်တမ်းတစ်ခုအတွက် နောက်ဆုံးရက်ကို သတ်မှတ်ပေးနိုင်သလို အချိန်မရွေး ပြန်ဖျက်ပစ်နိုင်မှာလည်း ဖြစ်ပါတယ်။ နောက်ဆုံးရရှိလာတဲ့ ရလဒ်တွေကိုတော့ LetsVoteNow ကနေ Email ပြန်ပို့ပေးမှာ ဖြစ်ပါတယ်။

LetsVoteNow ကို မှတ်ပုံတင်စရာမလိုဘဲ အခမဲ့အသုံးပြုနိုင်မှာဖြစ်ပြီး စိတ်ပါဝင်စားသူများအတွက် လိပ်စာက http:// www.letsvotenow.com ဖြစ်ပါတယ်။

ကိုယ်က မှန်ကန်တွေ ဘာတွေနဲ့ အကြီးအကျယ် မဟုတ်ဘဲ ဖန်ပုလင်းလေးနဲ့ ရွှေငါးလေးတစ်ကောင် မွေးထားမယ် ဆိုရင်တောင် ကိုယ်မွေးထားတဲ့ ငါးကလေး အသက်ရှင်နေစေဖို့ ဂရုစိုက်ရမဲ့ အကြောင်းအရာတွေကို နားလည်ထား ဖို့လိုအပ်ပါတယ်။ ဒါကြောင့် ကိုယ့်မှာ ငါးကလေး တစ်ကောင်ရှိရင် သူ့ကို ဘယ်လို အစာကျွေးမယ်၊ သူ့ကန်ကလေးကို ဘယ်လို ရှင်းလင်း သန့်စင်ပေးရမယ် စသည်ဖြင့် အလှမွေးငါးပိုင်ရှင် တစ်ယောက် အနေနဲ့ သိသင့်သိထိုက်တဲ့ နည်းနာ နိဿယတွေကို စုံစုံလင်လင် လေ့လာလို့ရမဲ့ website တစ်ခုကို ညွှန်းပေးချင်ပါတယ်။ continue reading…

ဒါကတော့ စိတ်ရွှင်မြူးစရာအွန်လိုင်းTool လေးတစ်ခုပါ။ Twitter ပေါ်က ကိုယ့်မိတ်ဆွေသူငယ်ချင်းတွေရဲ့  Profile image တွေကိုစုပေါင်းပြီး ရုပ်ပုံကားချပ်ကြီးတစ်ခုအဖြစ် ထုတ်လုပ်ပေးမဲ့ ဝန်ဆောင်မှုတစ်ခု ဖြစ်ပါတယ်။ လုပ်ရတာ လည်း အရမ်းလွယ်ကူပါတယ်။ သင့် Twitter Username ကို ပေးလိုက်ရုံနဲ့ ကျန်တာကို MyFriendMosaic ကလုပ် ဆောင်ပေးသွားပါလိမ့်မယ်။ continue reading…

စီးပွားရေးလုပ်ငန်းတွေအဖို့ တစ်ခါတစ်ရံမှာ မိမိတို့ရဲ့ထုတ်ကုန်ပစ္စည်းအကြောင်း လူတွေအမှတ်ရနေခြင်းက ကုန်ပစ္စည်းကပြန်ရလာမဲ့ ငွေကြေးအကျိုးအမြတ်ထက် ပိုပြီးတန်ဖိုးရှိနေတတ်ပါတယ်။ ယနေ့ခေတ်မှာ စီးပွားရေးလုပ်ငန်း တွေအနေနဲ့ စားသုံးသူတွေကို Twitter နဲ့ Facebook လို ကမ္ဘာကျော် လူမှုရေးကွန်ယက်ဆိုက်တွေမှာ ကိုယ့်ကုန်ပစ္စည်း (သို့) ဝန်ဆောင်မှုအကြောင်း Tweet တွေ Wall Post တွေရေးသားစေပြီး ကြော်ငြာတာဟာ ထိရောက်တဲ့ Online ကြော်ငြာနည်းတစ်ခု ဖြစ်လာပါတယ်။ ဒါကြောင့် မိမိတို့ရဲ့ကုန်ပစ္စည်း (သို့) ဝန်ဆောင်မှုကို Twitter နဲ့ Facebook မှာ ကြော်ငြာပြီး အရောင်းမြှင့်တင်ပေးနိုင်တဲ့ စနစ်တစ်ခုနဲ့ မိတ်ဆက်ပေးချင်ပါ တယ်။ continue reading…